Trañskripsïon bet divanket d'ar 15 a vis-here 2011
Sed amañ ur gontadenn bet kontet din ga Jañ-Mari Skragn deus 'n Uhelgoat un nebeud blavechou zo en ene.
----------------------------------------
--------------------
Foar Nedeleg ba Uhelgoat / Foire de Noël au Huelgoat
Amañ hi-mañ ba koste Uhelgoat, amañ vije diw foar bep mis ba Uhelgoat. Bremañ n'eus ket foariou kin, bremañ n'eus kimed marc'had kwa, a-taw ! Med gwech-all vije diw foar, foar ar vis d'ar yow kentañ deus ar mis, ha foar an dride yow da-houde. Setu, ar foar kentañ ar bla, a houzes, ar yow kentañ ar bla, ha houzh vije gwraet ar foar an de kentañ ar bla, foar an derou mad. Hag houzh oa foar ar yowankis, hag a vije tud é kanañ, hag é tañsal, ha da zañsal ha kanañ da zañsal war ar blassenn ba Uhelgoat ! Foar ar re yowank kwa. Mes ar foar diveo deus ar bla, neuhe houzh vije gwraet Foar-Nedeleg deus outi, ha houzh vije a-taw ba'r pemzekte dive deus mis-kerzu, set' war-dro Gouel-Nedeleg kwa, un tamm bihen raog Gouel-Nedeleg alïes. Ha houzh, da neuhe, oa ur foar tristig vê, ba mis-kerzu a houzes a-walc'h : vé teñval an amzer, glô a vije, ha du ha toud. Set' bremañ neuhe oa ur foar kwa, ar bla-se, ar yow-se oa trist-trist ar foar hardi ! Glô a ree ga deliou erc'h neuhe d'ar his-se ! Yén oa, teñval an amzer ba'r foar ba Uhelgoat ! Oa an dud é tañsal war an eil troad goude egile, da hortos marc'hadourien da zond !
A-benn ar fin oa gwelet un' o tond, ha tou'n dud houlle « Te anvez hezh, te anvez hezh ? » rañw ket, dén e-bed n'anee anehoñ, pegur hezh oa ur marc'hadour disheñvel : ur pezh dén bras oa, hag e dok oa gantoñ war e benn lake anehoñ brassoc'h e benn ha' oa, ne vê gwelet war e varw hir, ne vije gwelet 'méd e zowlagad é lufrañ ! Ha bremañ oa, e dok oa kozh ha huset, med ar vantell oa gantoñ, ur vantell marc'hadour-saout oa gantoñ war e gein oa 'e : un' hir ha' ruse an douar kasimant, ha vije dislivet ha disheñvel-toud, leun a doullou ! Ha goulskoude ba e hodell, ba e hodell-bruched, vije gwelet ur bakadenn-arc'hant war-wel, laket war-wel d'an dud 'vid roiñ da hoûd lar oa arc'hant da bêo !
Ha bremañ neuhe, heñw neuhe, dén e-bed n'anee anehoñ ! Tou'n dud houlle an eil d'egile é wel anehoñ o tond « Te anvez anehoñ paotr, te anvez hemañ ?! » Nann ! Dén e-bed n'anee anehoñ. Hag heñw a'h ê d'an eil aneval d'heben hañ... ha pa vije e zorn war ar loned da wel pesse mod oa lardet ar loned ha toud, da wel hag-eñ oaint mad da brenañ ; e lagad, e zowlagad vije war an hini a vije krog barzh ar gordenn... An hini oa krog barzh ar gordenn, pa'h ê dowlagad sellou hezh warnehoñ ranke plegañ e zowlagad ! Aet oa hezh ar mo-se tre da beked lein ar blassenn lec'h oa ar saout deut war e gis ha na ket bet laret komz e-bed neuhe, na goullet pris na mann e-bed, ree kimed tastoniñ ar saout ha sell deus an dud ! Goude oa aet war ar blassenn, ba Uhelgoat, ene vije ar loned bihen war-dro d'an ilis amañ hi-mañ, an deñved hag ar moc'h, hag ar loueou ha-toud...
Ha goude, ene, lec'h oa digoueet, na komañset d'ober mem mod duzhtu 'darre. A-benn ar fin oa digoueet dirag an ilis, dirag or an ilis, ha neuhe na paret e zowlagad war ar paotr-bragou, sent oa war an dro d'an nor d'ar mare-se, oa chomet-eñ mantret-par war ar re-he ! Lurañ rae e zowlagad warn'he ! Set' an dud, pegur hezh na vouje ket, an dud oa ba'r foar oa komañset d'ond en-dro dehoñ, oa ur c'helc'h pell ha toud, ha heñ vouje ket papred ! Inoptiset oa o selled deus ar re-he ! Ha bremañ neuhe, a-benn ar fin neuhe, neuhe oa an abard'he dija, an dra-he oa an eur hag a teuie an otro person d'ar mare-se, deus ar c'host all d'ar lenn, d'ober e bateriou diveo d'an ilis. Ha pé na gwelet ar c'helc'h-tud ar mo-se en-dro, ha heñ ranke goulenn plass hag aet da wel, ha pé na gwelet an dén-se oa chomet sioul, ha laket e vis war e vusellou, ha « roiñ peuc'h ! » da lar d'an dud roiñ peuc'h. An dud war e gis hag é bet gwelet dre ar garrhenn o hedañ an ilis aet da beked ar sakristïn, ha ba'n ilis war ene, ba ene.
A-benn ur mare goude oa digoret an nor vras war an ilis, ha hem' all, ar marc'hadour-saout, oa ene papred, par war an ilis ! Ha digoueet ar person ; barzh un dorn oa ar gras gantoñ uhel, ha barzh un dorn all oa ar pod-dour binniget. Ha heñw, bet na bet amzer hemañ-all da soñjal petra zo digoueet : sklapañ dour binniget war ar marc'hadour-saout ! Oa bet ur luc'hadenn hag ur skrijadenn spontus ! Ha dén e-bed na bet gwelet dre belec'h oa bet partïet an dén kuit ! Set' neuhe ar person na laret d'an dud, a bep seurt na laret, la oa digoueet ahe pegur hezh n'é ket ur marc'hadour oa, hezh oa an Ankou ya. Ha neuhe an dud na soñjet : lec'h be okupet ga'r loned, oa mignoc'h okupet ga'n dud oa o telc'hen ar loned ! Ya, ha neuhe oa deut owen dehe-toud, daoust ha d'hag-eñw oa deut ahe da gemer hano lod an dud oa mad da gemer d'hond gantoñ d'an ivern. Setu tou'n dud oa kemmesket, strafuilhet-toud éh essêo goûd pessa mod « matrehe é aet ma hano gantoñ, matrehe é aet ma hano ! » Med an otro person na dichalet anehe ha laret dehe : « Oh bremañ ga'n dour binniget neus tapet anehoñ warn'hoñ lar é kasimant sur é efasset toud an hanoiou, me lar dit la peus mann e-bed d'ober. »
Set' benn-neuhe oa deut nos dija, ha ba mis-kerzu teu nos a-bred. Setu an dud oa aet neuhe etresseg ar gêr neuhè, med oa ket echu ar spontadennou c'hoazh ! Kar ar re ranke mond pell ga'n heñchou-treus hag ar gwinojennou, e-beñ na c'hoazh da toud ar re-he da yedal ! Ha barzh ar re-he amañ ba bro Breizh-Isel, a-wechou pa vê deut an nos, ba'r re-he la vije kimed lutined ! Hag an Ankou ! Hag an teuched ! Toud ! Hag an dud nije owen ! Set' oa ket echu an owen evinte c'hoazh... Med ar mo-se oa digoueet gate an de-se.
A-benn ar fin oa gwelet un' o tond, ha tou'n dud houlle « Te anvez hezh, te anvez hezh ? » rañw ket, dén e-bed n'anee anehoñ, pegur hezh oa ur marc'hadour disheñvel : ur pezh dén bras oa, hag e dok oa gantoñ war e benn lake anehoñ brassoc'h e benn ha' oa, ne vê gwelet war e varw hir, ne vije gwelet 'méd e zowlagad é lufrañ ! Ha bremañ oa, e dok oa kozh ha huset, med ar vantell oa gantoñ, ur vantell marc'hadour-saout oa gantoñ war e gein oa 'e : un' hir ha' ruse an douar kasimant, ha vije dislivet ha disheñvel-toud, leun a doullou ! Ha goulskoude ba e hodell, ba e hodell-bruched, vije gwelet ur bakadenn-arc'hant war-wel, laket war-wel d'an dud 'vid roiñ da hoûd lar oa arc'hant da bêo !
Ha bremañ neuhe, heñw neuhe, dén e-bed n'anee anehoñ ! Tou'n dud houlle an eil d'egile é wel anehoñ o tond « Te anvez anehoñ paotr, te anvez hemañ ?! » Nann ! Dén e-bed n'anee anehoñ. Hag heñw a'h ê d'an eil aneval d'heben hañ... ha pa vije e zorn war ar loned da wel pesse mod oa lardet ar loned ha toud, da wel hag-eñ oaint mad da brenañ ; e lagad, e zowlagad vije war an hini a vije krog barzh ar gordenn... An hini oa krog barzh ar gordenn, pa'h ê dowlagad sellou hezh warnehoñ ranke plegañ e zowlagad ! Aet oa hezh ar mo-se tre da beked lein ar blassenn lec'h oa ar saout deut war e gis ha na ket bet laret komz e-bed neuhe, na goullet pris na mann e-bed, ree kimed tastoniñ ar saout ha sell deus an dud ! Goude oa aet war ar blassenn, ba Uhelgoat, ene vije ar loned bihen war-dro d'an ilis amañ hi-mañ, an deñved hag ar moc'h, hag ar loueou ha-toud...
Ha goude, ene, lec'h oa digoueet, na komañset d'ober mem mod duzhtu 'darre. A-benn ar fin oa digoueet dirag an ilis, dirag or an ilis, ha neuhe na paret e zowlagad war ar paotr-bragou, sent oa war an dro d'an nor d'ar mare-se, oa chomet-eñ mantret-par war ar re-he ! Lurañ rae e zowlagad warn'he ! Set' an dud, pegur hezh na vouje ket, an dud oa ba'r foar oa komañset d'ond en-dro dehoñ, oa ur c'helc'h pell ha toud, ha heñ vouje ket papred ! Inoptiset oa o selled deus ar re-he ! Ha bremañ neuhe, a-benn ar fin neuhe, neuhe oa an abard'he dija, an dra-he oa an eur hag a teuie an otro person d'ar mare-se, deus ar c'host all d'ar lenn, d'ober e bateriou diveo d'an ilis. Ha pé na gwelet ar c'helc'h-tud ar mo-se en-dro, ha heñ ranke goulenn plass hag aet da wel, ha pé na gwelet an dén-se oa chomet sioul, ha laket e vis war e vusellou, ha « roiñ peuc'h ! » da lar d'an dud roiñ peuc'h. An dud war e gis hag é bet gwelet dre ar garrhenn o hedañ an ilis aet da beked ar sakristïn, ha ba'n ilis war ene, ba ene.
A-benn ur mare goude oa digoret an nor vras war an ilis, ha hem' all, ar marc'hadour-saout, oa ene papred, par war an ilis ! Ha digoueet ar person ; barzh un dorn oa ar gras gantoñ uhel, ha barzh un dorn all oa ar pod-dour binniget. Ha heñw, bet na bet amzer hemañ-all da soñjal petra zo digoueet : sklapañ dour binniget war ar marc'hadour-saout ! Oa bet ur luc'hadenn hag ur skrijadenn spontus ! Ha dén e-bed na bet gwelet dre belec'h oa bet partïet an dén kuit ! Set' neuhe ar person na laret d'an dud, a bep seurt na laret, la oa digoueet ahe pegur hezh n'é ket ur marc'hadour oa, hezh oa an Ankou ya. Ha neuhe an dud na soñjet : lec'h be okupet ga'r loned, oa mignoc'h okupet ga'n dud oa o telc'hen ar loned ! Ya, ha neuhe oa deut owen dehe-toud, daoust ha d'hag-eñw oa deut ahe da gemer hano lod an dud oa mad da gemer d'hond gantoñ d'an ivern. Setu tou'n dud oa kemmesket, strafuilhet-toud éh essêo goûd pessa mod « matrehe é aet ma hano gantoñ, matrehe é aet ma hano ! » Med an otro person na dichalet anehe ha laret dehe : « Oh bremañ ga'n dour binniget neus tapet anehoñ warn'hoñ lar é kasimant sur é efasset toud an hanoiou, me lar dit la peus mann e-bed d'ober. »
Set' benn-neuhe oa deut nos dija, ha ba mis-kerzu teu nos a-bred. Setu an dud oa aet neuhe etresseg ar gêr neuhè, med oa ket echu ar spontadennou c'hoazh ! Kar ar re ranke mond pell ga'n heñchou-treus hag ar gwinojennou, e-beñ na c'hoazh da toud ar re-he da yedal ! Ha barzh ar re-he amañ ba bro Breizh-Isel, a-wechou pa vê deut an nos, ba'r re-he la vije kimed lutined ! Hag an Ankou ! Hag an teuched ! Toud ! Hag an dud nije owen ! Set' oa ket echu an owen evinte c'hoazh... Med ar mo-se oa digoueet gate an de-se.
0 reaksïon d'ar messaj:
Enregistrer un commentaire