Ur wastell kraoñ-dimesell

Ur wastell kraoñ-dimesell

Set' vo laket amañ tammou sekrejou-kujun 'vid prepariñ traou a-beb sort. Ar wech-mañ vo gwelet pessar mod prepariñ ur wastell ga kraoñ-dimesell troc'het munut 'n ur mod aes ha buan a-walc'h. Ha moien zo d'ar re neus poan ga'r gluten, ha ga'r laezh-saout, deb ar wastell-mañ heb tamm diaesamant e-bed.

Lak barzh :

- Un tri-c'hard gwerennad bleud-kistin

- Un tri-c'hard gwerennad bleud-riz

- Ur c'hard loaiad-kafe a vikarbonat-soud

- Ur werennad sukr gross

Mesk ha divesk an toas ken a vo mesket mad toud, ha goude :

- Un tri-c'hard gwerennad ïoul-oliv

- Daou vi

- Un dornad kraoñ-dimesell troc'het munud

- Ur werennad laezh riz/kraoñ-kelvez

- Un dakadenn chug-sitroñ

Mesk ha disvesk an toas ur wech 'zhpenn ken a vo erro ba'n demz vad.

- Lardañ ar moull gad ïoul-oliv

Daw tomm ar vorn da 220°C pad ur c'hard-eur ha gortos ken a vo tomm a-walc'h anahoñ, ha goude ba'nahoñ :

- Poahad da 220°C (T. 7) pad 20 mun.

- Poahad da 180°C (T. 6) pad 10 mun. a-peu-prè

Gle be flour ha c'hweg ar bour, ha suilhet ar wastell drame da roiñ ur blas karamel dehi. Gwelloc'h pass deb ar wastell freskorn, kenkoulz gortos ken a yenafe an tu dabarzh un tamm bihen. Aessoc'h vo da droc'hañ goude-se, gwelloc'h vo dalc'het e standilhon gati.

Debet 'leizh ho kov bremañ :)